දේශීය පුවත්ප්‍රධාන පුවත්

ජනපතිගේ ඉල්ලීමට චීන එන්නත අනුමත කළ කතාව ලෝක සෞඛ්‍ය සංවිධානය ප්‍රතික්ෂේප කරයි

චීනයේ සයිනොෆාම් එන්නත් හදිසි භාවිතය සඳහා අනුමත කරන ලද්දේ ශ්‍රී ලංකාවේ ජනාධිපති ගෝඨාභය රාජපක්ෂ මහතාගේ ඉල්ලීමක් අනුව බවට වන ප්‍රකාශය ලෝක සෞඛ්‍ය සංවිධානය විසින් ප්‍රතික්ෂේප කොට ඇත.

ජනාධිපති ගෝඨාභය රාජපක්ෂ සහ ලෝක සෞඛ්‍ය සංවිධානයේ ප්‍රධානියා අතර පැවති සාකච්ඡාවකින් අනතුරුව එදිනම මෙම එන්නත අනුමත කළ බවට ජනාධිපති මාධ්‍ය ප්‍රකාශකවරයා ඊයේ දිනය සඳහන් කරන ලදී.

මේ සම්බන්ධයෙන් පුවතක් අද ඩේලි මිරර් පුවත්පත පළ කිරීමෙන් අනතුරුව ඔවුන් ලෝක සෞඛ්‍ය සංවිධානයෙන් ඊමේල් මගින් ඒ පිළිබද කළ විමසීමකට පිළිතුරු දෙමින් ඔවුන් සදහන් කර ඇත්තේ එන්නත් ලයිස්තුගත කිරීම සාමාන්‍ය ක්‍රමවේදය අනුව මාස දෙක තුනක කාලයක් ගතවන බවයි.

සුදුසුකම් ක්‍රියාවලිය වඩාත් සංකීර්ණ වන බවත් ඒ සඳහා යම් කාලයක් ගත වන බවත් ඔවුන් සඳහන් කර තිබේ.

කෙසේ වෙතත් මෙම සියලුම එන්නත් හදිසි භාවිතයට අවසර ලබා දී ඇත්තේ එම රටවල් වල අභිමතය අනුව මිස ලෝක සෞඛ්‍ය සංවිධානය අනුමැතියට යටත්ව නොවන බවද ඔවුන් තවදුරටත් සඳහන් කර ඇත.

Source – Mawratanews.lk

Related Articles

Leave a Reply

Your email address will not be published. Required fields are marked *

Back to top button