custom_html_banner1
දේශීය පුවත්

ලංකාවේ පළමු වරට පත්වූ නි‌යෝජ්‍ය පොලිස්පතිනියට එරෙහිව පොලීසියෙන්ම පෙත්සමක්

custom_html_banner1
Spread the love

ශ්‍රී ලංකාවේ ප්‍රථම නියෝජ්‍ය පොලිස්පතිවරිය වූ බිම්ෂානි ජාසිංහ ආරච්චි මහත්මිය එම තනතුරට පත්වීම බල රහිත කරන්නැයි ඉල්ලා ඉහළ පොලිස් නිලධාරීන් පිරිසක් ශ්‍රේෂ්ඨාධිකරණයට මූලික අයිතිවාසිකම් පෙත්සමක් ගොනු කර ඇත.

ඇයගේ පත්වීමට අභියෝග කරන මෙම පෙත්සම් ගොනු කර ඇත්තේ ජ්‍යෙෂ්ඨ පොලිස් අධිකාරි රුවන් ගුණසේකර ඇතුළු ජ්‍යෙෂ්ඨ පොලිස් අධිකාරිවරුන් 32ක් විසිනි. පෙත්සම්කරු කියා සිටින්නේ පොලිස්පති සහ ජාතික පොලිස් කොමිසමේ අනුමැතිය උඩ ලබා දී ඇති ඇයගේ පත්වීම උසස් පොලිස් නිලධාරීන් බඳවා ගැනීමේ පටිපාටියට පටහැනි බවයි.

කාන්තාවන් නියෝජ්‍ය පොලිස්පති තනතුරට පත් කිරීමට අදාළ රෙගුලාසිවලින් ප්‍රතිපාදන සලස්වා නැති බවත් කාන්තාවන් යන වචනය එහි සඳහන් වන්නේ නැති බවත් ඒ නිසා කාන්තාවකට ශ්‍රී ලංකාවේ නියෝජ්‍ය පොලිස්පති තනතුරක් දැරිය නොහැකි බවත් පෙත්සමේ සඳහන් කර ඇත. පෙත්සම ත්‍රිපුද්ගල ශ්‍රේෂ්ඨාධිකරණ විනිසුරු මඬුල්ලක් හමුවේ හෙට (අඟහරුවාදා) කැඳවීමට නියමිතය.

– සරත් ධර්මසේන – අරුණ

custom_html_banner1

Related Articles

Leave a Reply

Your email address will not be published. Required fields are marked *

Back to top button