custom_html_banner1
දේශීය පුවත්

නව ප‍්‍රභේදයෙන් ආරක්ෂා වීමට මාස්ක් 2ක් දාන්න – නියෝජ්‍ය සෞඛ්‍ය සේවා අධ්‍යක්ෂ ජනරාල්

custom_html_banner1
Spread the love

මෙරටින් අලූතින් හඳුනා ගත් නව බි‍්‍රතාන්‍ය කොරෝනා වෛරස් ප‍්‍රභේදය පිළිබඳව සෞඛ්‍ය අමාත්‍යාංශය විසින් මෙම දිනවල අධ්‍යයනයක් සිදු කරමින් සිටින බවත්, එම අධ්‍යයනයෙන් පසු එම වෛරස් ප‍්‍රභේදය කෙතරම් දුරට මෙරට පැතිර ගොස් ඇත්දැයි යන්න පිළිබඳව නිගමනයකට පැමිණීමට හැකි වනු ඇති බවත් නියෝජ්‍ය සෞඛ්‍ය සේවා අධ්‍යක්ෂ ජනරාල් (මහජන සෞඛ්‍ය) විශේෂඥ වෛද්‍ය හේමන්ත හේරත් මහතා පැවසීය.

බි‍්‍රතාන්‍ය කොරෝනා වෛරස් ප‍්‍රභේදය ඉතා ශීඝ‍්‍රයෙන් පැතිර යෑමේ හැකියාවක් ඇති නිසා ඉන් ආරක්ෂා වීමට නම් මුහුණු ආවරණ (මාස්ක්) දෙකක් පැළඳීම වඩාත් යෝග්‍ය බව ඔහු සඳහන් කළේය. දැනටත් ජනතාවට මුහුණු ආවරණ දෙකක් පැළඳිය හැකි නම් වඩාත් හොඳ බවද, එවැනි ක‍්‍රමයකින් කොරෝනා වෛරසයෙන් වැඩි ආරක්ෂාවක් ලබා ගැනීමට හැකි වීම මෙයට හේතුව බවද වෛද්‍ය හේරත් මහතා කීවේය.

බටහිර වෛද්‍ය විශේෂඥයන්ට අනුව බි‍්‍රතාන්‍ය කොරෝනා වෛරස් ප‍්‍රභේදය චීනයේ වූහාන් නගරයෙන් ලොව පුරා පැතිරීම ආරම්භ වූ කොරෝනා වෛරසයට වඩා සියයට 56 ත් 75 ත් අතර වැඩි වේගයකින් ප‍්‍රජාව තුළ පැතිර යෑමේ හැකියාවක් පවතී.

මුල් වෛරසයට වඩා මාරාන්තික වූ ප‍්‍රභේදයකි. මෙම වෛරස් ප‍්‍රභේදය ආසාදනය වූ අය තුළ දක්නට ලැබෙන ප‍්‍රධානතම රෝග ලක්ෂණය වනුයේ කැස්ස වන අතර තෙහෙට්ටුව, ශරීරය දුර්වල වීම, හිසරදය, මාංශ පේශීන්ගේ හටගන්නා වේදනාව, උගුරේ වේදනාව හා උණ සෙසු රෝග ලක්ෂණ සේ හඳුනාගෙන තිබේ.

මෙම වෛරසය වැඩි වශයෙන් බටහිර රටවල හඳුනාගෙන ඇත්තේ රැුපිඞ් අන්ටිජන් පරීක්ෂණය හරහාය.

බි‍්‍රතාන්‍ය කොරෝනා වෛරස් ප‍්‍රභේදය වරින් වර වෙනස්වීම්වලට භාජනය වී ඇති බව වාර්තා වී ඇති අතර දැනට කොරෝනා වෛරසයට එරෙහිව නිපදවා ඇති එන්නත්වලින් ෆයිසර් එන්නත මෙම වෛරස් ප‍්‍රභේදයට එරෙහිව සුළු ආරක්ෂාවක් ලබා දෙන බව පරීක්ෂණවලදී හෙළි වී තිබේ.

– ඒමන්ති මාරඹේ (දිවයින)

custom_html_banner1

custom_html_banner1

Related Articles

Leave a Reply

Your email address will not be published. Required fields are marked *

Back to top button