දේශීය පුවත්ප්‍රධාන පුවත්

ලංකාවට එමින් සිටි චීන නැව් 2ක් ආපසු හරවයි – හිඟයක් ගැන මහා බියක්

වහාම ක්‍රියාත්මක වන පරිදි චීනයේ සිට ලංකාවට පැමිණෙමින් තිබූ රසායනික පොහොර මෙට්‍රික් ටොන් 18,000ක් රැගත් නෞකා දෙකක් ආපසු හරවා යැවීමට ආණ්ඩුව කටයුතු කොට ඇත.

රසායනික පොහොර භාවිතයෙන් ගොවීන් ඉවත් කොට කාබනික පොහොර භාවිතයට හුරු කිරීමේ ජනාධිපතිවරයාගේ නව ප්‍රතිපත්තියට මග පෙන්වීම සඳහා මෙසේ චීනයෙන් නැව් දෙකක් ආපසු හරවා යැවීමට පියවර ගෙන තිබේ.

එමෙන්ම රසායනික පොහොර ආනයනය කිරීම සඳහා මින් ඉදිරියට ණයවර ලිපි නිකුත් කිරීම අත්හිටුවන ලෙසද කෘෂිකර්ම අමාත්‍ය මහින්දානන්ද අලුත්ගමගේ මහතා සියලුම බැංකුවලට උපදෙස් ලබා දී ඇත.

ආණ්ඩුව පවසන්නේ දැනට ඇති පොහොර තොග මෙවර යල කන්නය සදහා මෙන්ම ඉදිරි මාස 5කට පමණ ප්‍රමාණවත් වන බවකි.

එහෙත් රට පුරා ගොවි සංවිධාන කියා සිටියේ වර්තමාන යල කන්නය සඳහා දැනටමත් පොහොර හිඟයක් මතුව ඇති බවත්, පවතින පොහොර තොග ප්‍රමාණවත් නැති බවත්ය.

අමාත්‍යවරයා සමග සිකුරාදා පැවැති සාකච්ජාවකදී අවශ්‍ය ප්‍රමාණයන් නිෂ්පාදනය කිරීමට බොහෝ කාලයක් ගතවනු ඇති බව පොහොර සමාගම් නියෝජිතයින් පෙන්වා දී ඇති බවද දැනගන්නට තිබේ.

Mawratanews.lk

Related Articles

Leave a Reply

Your email address will not be published. Required fields are marked *

Back to top button