දේශීය පුවත්ප්‍රධාන පුවත්

ඩොලර් හොයන්න අලුත් ඇප් එකක් – විදෙස් ගත ශ්‍රී ලංකිකයන්ට පහසුවක්

විදෙස් ගත ශ්‍රී ලාංකිකයන් මෙරටට එවන මුදල් සහ මුදල් එවන ක්‍රමවේද වැඩි කිරීම සඳහා ශ්‍රී ලංකා මහ බැංකුවේ මූලිකත්වයෙන් නව ජංගම දුරකතන මෘදුකාංගයක් හඳුන්වා දී ඇත.

විදේශ ප්‍රේෂණ ප්‍රවාහ වැඩි කිරීම සඳහා සහ අවිධිමත් ක්‍රමවේද අධෛර්යමත් කිරීමේ අවශ්‍යතාව හඳුනාගනිමින් නව ප්‍රේෂණ ක්‍රමවේද සහ අඩු පිරිවැයක් සහිතව විදේශ ප්‍රේෂණ එවීමේ ක්‍රමවේද පිළිබඳ නිර්දේශ සහ යෝජනා ඉදිරිපත් කිරීමට ශ්‍රී ලංකා මහ බැංකුව කමිටුව පත් කර තිබේ.

ලංකා බැංකුව, මහජන බැංකුව, සම්පත් බැංකුව, කොමර්ෂල් බැංකුව, හැටන් නැෂනල් බැංකුව,එච්.එස්.බී.සී. බැංකුව, කාගිල්ස් බැංකුව, ඩයලොග් ආසියාට, මොබිටෙල් (පෞද්ගලික) සමාගම යන බැංකු සහ සමාගම්වල නියෝජිතයන්ගෙන් සහ ශ්‍රී ලංකා මහ බැංකුවේ වෘත්තිකයන්ගෙන් අදාළ කමිටුව සමන්විත විය.

අදාළ කමිටුවේ යෝජනාව පරිදි “එස්.එල්.-රෙමිට්” (SL-Remit) යනුවෙන් මෙම නව ජංගම දුරකතන යෙදුම හඳුන්වා දී තිබේ.

ස්වයං පරිශීලක ලියාපදිංචිය (භාවිත කරන්නන්ටම යෙදුම තුළ ලියාපදිංචි වීමේ හැකියාව), ගෝලීය මුදල් හුවමාරු ක්‍රියාකරුවන්ට හා ගෝලීය මූල්‍ය තාක්ෂණ සේවා සැපයුම්කරුවන්ට සම්බන්ධ වී ඕනෑම රටක සිට මුදල් එවීමට පහසුකම් සැලසීම, ශ්‍රී ලංකාව තුළ ඕනෑම බැංකු ගිණුමකට/ජංගම පසුම්බියකට ක්ෂණිකව අරමුදල් මාරු කිරීම වැනි විශේෂාංග ඇතුළු පහසුකම් මෙම දුරකතන යෙදුම සතුව පවතී.

විදේශ විනිමය අනුපාත, අඩු ගනුදෙනු ගාස්තු, ඍජු බිල්පත් ගෙවීම් ආදී සේවා රැසක් ද මෙම යෙදුමට ඇතුළත් කර ඇති බව ශ්‍රී ලංකා මහ බැංකුව සඳහන් කරයි.

ශ්‍රී ලංකා මහ බැංකුව, මුදල් අමාත්‍යාංශය, විදේශ කටයුතු අමාත්‍යාංශය, ශ්‍රී ලංකා බැංකු කරුවන්ගේ සංගමය, ශ්‍රී ලංකා විදේශ සේවා නියුක්ති කාර්යාංශය, ලංකා ක්ලියර් (පෞද්ගලික) සමාගම යනාදී පාර්ශවකරුවන්ගේ සහාය ඇතිව මෙම මෘදුකාංගය ක්‍රියාත්මක වන බව ශ්‍රී ලංකා මහ බැංකුව තවදුරටත් සඳහන් කරයි.

 

Related Articles

0 0 votes
Article Rating
Subscribe
Notify of
guest
0 Comments
Inline Feedbacks
View all comments
Back to top button
0
Would love your thoughts, please comment.x
()
x