custom_html_banner1
දේශීය පුවත්ප්‍රධාන පුවත්

නිදහස් වෙළඳ කලාපයේ කර්මාන්ත ශාලා 64 කින් ආසාදිතයින් 2417ක්

custom_html_banner1
Spread the love

ගත වු දිනයේදි නව ආසාදිතයින් 2,976 ක් හඳුනා ගැනීමත් සමඟ මෙරට මුළු ආසාදිතයින් ගණන දෙලක්ෂ 7,254 දක්වා ඉහළ ගියා.

ඊයේ (06) දිනයේදි තවත් කොරෝනා ආසාදිතයින් 1172 නෙකු සුවය ලබා රෝහල්වලින් පිටව යාමත් සමඟ සුවය ලැබූ සමස්ත කොරෝනා ආසාදිත සංඛ්‍යාව එක්ලක්ෂ 67,304 ක් දක්වා ඉහළ ගියා. මේ අතර විදෙස් ගතව සිට දිවයිනට පැමිණෙන ශ්‍රී ලාංකිකයන් සඳහා නව සෞඛ්‍ය මාර්ගෝපදේශ මාලාවක් සෙඛ්‍ය අමාත්‍යාංශය මගින් ඊයේ (06) නිකුත් කරනු ලැබුවා.

ඒ අනුව පූර්ණ එන්නත්කරණය ලබා දිවයිනට පැමිණෙන ශ්‍රී ලාංකිකයන් හෝ ද්විත්ව පුරවැසියන් දින 14 ක් නිවෙස් තුළ ස්වයං නිරෝධායනයට ලක්විය හැකියි. ඒ සඳහා ඔවුන් සතු නිවහනක් ශ්‍රී ලංකාවේ තිබිය යුතු අතර, අනුමත කොරෝනා එන්නත් මාත්‍රා දෙකම දිවයිනට පැමිණීමට සති දෙකකට පෙර ලබාසිටිය යුතුයි.

කෙසේ නමුත් ඉන්දියාව, වියට්නාමය, දකුණු අප්‍රිකානු හෝ දකුණු ඇමරිකානු රටවලින් පැමිණෙන ශ්‍රී ලාංකිකයන් හෝ ද්විත්ව පුරවැසියන් එලෙස නිවෙස් තුළ නිරෝධායන වීමේ රෙගුලාසිය වලංගු වන්නේ නැහැ.

දිවයිනට පැමිණෙන ශ්‍රී ලාංකිකයන් සියල්ලන්ම ඊට පෙර කොරෝනා පරීක්ෂණයකින් වෛරසය ආසාදනය වී නොමැති බව තහවුරු වී තිබිය යුතුයි. කටුනායක ප්‍රදේශයේ ආසාදිතයින් 62 දෙනෙකු ඊයේ හදුනා ගෙන ඇති අතර ඉන් 42 දෙනෙකු කටුනායක නිදහස් වෙළඳ කලාපයේ වනවා.

මේ දක්වා කාල සිමාව තුළ කටුනායක නිදහස් වෙළඳ කලාපයෙන් කර්මාන්ත ශාලා 64 තුළින් හදුනා ගෙන ඇති ආසාදිතයින් ගණන 2417 ක්. මේ අතර නිරෝධායන නීති උල්ලංණය කළ තවත් 913 දෙනෙකු ගතවූ පැය විසි හතර තුළ අත්අඩංගුවට ගනු ලැබූ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ ප්‍රකාශ කළා.

 

custom_html_banner1

custom_html_banner1

Related Articles

Leave a Reply

Your email address will not be published. Required fields are marked *

Back to top button